Kalaallit Nunaanni attaveqartitsisoq.
Sakkortusaaviit 1.500 km-it miss. isorartutigisumi inissisimapput, katiguffiillu aqqusaarnerisigut nunaqarfinnut sakkortusaaviusut pilersorneqarlutik, taamaalillutik innuttaasut katillutik 80 %-iisa missaat toqqaannartumik telefoneqartinneqarput, qarasaasiaqarsinnaallutik, internetersinnaallutik kiisalu radiomik tusarnaarsinnaallutik tv-millu isiginnaarsinnaallutik.
Sakkortusaavimmut nunanit tamalaaniit attaveqarneq imaatigut kabeli Nuummik Qaqortumillu silarsuatsinnut avammut attaveqartitsisoq nutaaliaasoq fiberoptiskiusorlu atorlugu ingerlanneqarpoq. Illoqarfiit nunaqarfiillu toqqaannartumik attaviligaasut, sakkortusaaviit aqqutigalugit Nuummiit Qaqortumiillu pilersorneqarput.