TELE-POST Kalaallit Nunaannut tamarmut attaveqaateqarnermik allakkerinermillu kiffartuussiffiuvoq. Attaveqaateqarneq aqqutigalugu nunarsuarmi qeqertat annersaanni innuttaasut ukiut 75-it sinnerlugit imminnut attaveqartitaraagut. Nioqqutinik kiffartuussissutinillu nutaanik ineriartortitsinermut ersarissunik anguniagaqarpugut, taamaalilluta ”KalaallitNunaat nunarsuup qeqqani”-mik oqariartuuteqarnerput piviusunngortinniarlugu.
TELE-POST-ip suliassai amerlaqaat, pingaarnersaavorli suliamik ilisimannittumik atuisutta sullinneqarnissaat aammalu nioqqutinik, sullississutinik kiffartuussissutinillu nutaanerpaanik neqerooruteqarfigisinnaanissaat. Qullersaqarfik Nuummi inissisimavoq 200-illu missaannik sulisoqarluni. Sulisut katilluta 550-it missaanniippugut Kalaallit Nunaata sineriaani tamarmi illoqarfinnut nunaqarfinnullu siassimalluta.