DSC - Digital Selective Callling - GMDSS atorlugu atassuteqaateqarfiuvoq.
Attaveqarniarnerit tamarmik kisitsisilersukkanik (digitaliseret) paasissutissaqarput, immikkoortullu sisamat pingaarnerutillugit atorneqarlutik:
- Distress (ajornartorsiulernermi)
- Urgency (nukinginnartuni)
- Safety (isumannaallisaanermi) aamma
- Routine (nalinginnaasuni)
Nalunaarutit 'angalasunut tamanut', sumiiffimmut ataatsimut, imaluunniit sumiiffinnut eqimattanut nassiussuunneqarsinnaapput, MMSI-normui (Maritime Mobile Selective Identity) immikkuullarissut atorlugit. Ajornartorsiulernermi nalunaarutit ingerlaannartumik station-inut tamanut nassiunneqartarput.
MMSI-imut ilanngullugu nassiussivimmiit tigusisussamut paasissutissanik assigiinngitsunik nassitsinermi ilanngussisoqarsinnaavoq. Assersuutigalugu ajornartorsiulernermi nalunaarut makkuninnga paasissutissanik imaqarsinnaavoq:
- Angallatip ilisarnaataa
- Piffissaq nassiussiffiusoq
- Nalunaaruteqarnermut peqqutaasoq
- Angallatip sumiiffia
Angallat DSC-imik atortoqarpat angallatip radiooperatøriata DSC-kut nalunaarutissat isumagissavai. Angallatip radioqarfiullu qaninnerusup akuttunngitsumik atortutik DSC-kut misilerassavaat frekvensi 2187.5kHz atorlugu. Nalunaarut ataasiinnarmut 'individuelt' nassiunneqassaaq nalunaaqutserlugu isumannaallisaanermik 'safety'.
Kalaallit Nunaanni radioqarfiit MMSI-normui imaapput:
- Aasiaat radio - 00 331 3000
Maluginiaruk, angallatit GPS-iminnik DSC-mut attavilerneqanngitsut minnerpaamik nakkutilliinerit (vagt) nikinneri tamaasa sumiiffitsik (position) misissortassammassuk.