Global Maritime Distress and Safety System periaasiuvoq nutaaq pilersinneqarsimasoq nunarsuaq tamakkerlugu ajornartorsiulernermi- isumannaallisaanermilu atungassatut, 1. februar 1999 atorneqalersoq. Angallatini 300 brt.-inik anginerusuni ilaasortaatinilu atorneqarluni imartani tamani.
Periaaseq toqqammaveqarpoq qaammataasakkut- aammalu kisitsisilersukkanik (digital) atassuteqaateqarnikkut atorneqartussatut, 2182 kHz aamma VHF kanal 16 siunissami kingoraartusssaallugit. Toqqammavialu sananeqarsimavoq piumasaqaatigineqarsimasut imartat immikkoortaat taaneqartut malillugit:
- A1 - VHF DSC iluani
- A2 - MF DSC iluani
- A3 - Inmarsat iluani
- A4 - qulaani taaneqartut avataaniittut tamaasa - imartani missiliorlugu 76º avannarpasissutsip avannaani aammalu missiliorlugu 76º kujasissutsip kujataani.
MF DSC
Mellembølge DSC kisitsisilersukkanik (digitalt) tunngaveqarluni atassuteqartarnermut periaasiuvoq nalinginnartut ajornartorsiulernermi sillimaniarnermilu atorneqartarpoq.
Kalaallit nunaani imartat immikkoortortaanik A2-nik pilersitsisoqarnikuuvoq, mellembølge DSC atorlugu nassitsiffiusinnaasunik. Kalaallit nunaanni DSC taamaallat ajornartorsiulernermi- sillimaniarnermilu periaasitut atorneqarpoq frekvens 2187.5 kHz atorlugu. Mellembølge DSC-ikkut nunatta imartaata iluani nassitsiffigineqarsinnaapput, sinerissami miss. 76º avannarpasissuseq, tunullu sineriaani miss. 68º avannarpasissuseq tikillugu.
VHF DSC
VHF DSC pilersinneqarsimavoq digital (kisitsisilersukkat) atorlugit periaaseq malillugu MF DSC-tulli, ajornartorsiulernermi- sillimaniarnermilu atorneqartartoq aammalu nalinginnaasuni oqaluussiniarnermi.
INMARSAT
Inmarsat-systemet GMDSS-imi ajornartorsiulernermi- sillimaniarnermilu periaasiuvoq, nunarsuup isorartussusaani miss. 76º avannarpasissutsip aammalu miss. 76º kujasissutsip iluani nassitsiffigineqasinnaasoq. Isorartussusaat Inmarsat-it qaammataasaannit piffinni aalajangersimasuniittunik (geostationære) killilerneqarput.
Angallatinut radioqarfinnullu nunami sakkortusaaveqarpoq arlalinnik angallatit attaveqaateqarniarnerat periarfissinniarlugit. Inmarsat aammattaaq oqaluussiniarnernut telegram-inullu atorneqarsinnaavoq.
Inmarsat-imut atatillugu GMDSS annertunerusumik qanoq attuumassuteqarnersoq paasiniaarusukkaanni una toorlugu aallertoqarsinnaavoq.
NAVTEX
NAVTEX mellembølge 518 kHz silamik aarlerisaarutinik aallakaatitsinermi, imarsiornermi sillimaniarnermi aallakaatsitsinermi kiisalu ajornartorsiulermi nalunaarutinik aallakaatitseqqiinermi atorneqartarpoq.
NAVTEX taamaallaat atorneqarpoq tingooraavittut, qulaanilu taaneqartut nassiunneqarniariartut ingerlaannartumik pappiaqqatigut anisinneqartarput. Kalaallit nunaanni imartat tunumiittut Island-imi nassitsissummiit aallakaatitsivigineqartarput naqinneq X ilisarnaatitut atorneqarluni, kitaatalu sineriaani nassitsissut Kitsissuni inissinneqarnikuuvoq ilisarnaateqarlunilu W-mik.
NAVTEX-ip nalinginnaasumik isorartussusaa miss. 400-500 sømil-ivoq.
EPIRB-it.
GMDSS-imut atatillugu nødradiosender-it sorliit atorneqassanersut piumasaqaataavoq angallat sumi angalanersoq, angallatip angissusaa qanorlu ittuussusia aammalu inuttaqassusaa apeqqutaatillugu.
Imartani A3-mik ilisarnaatilinni Inmarsat EPIRB-it atorneqarput, ingerlaannartumik angallatip ilisarnaataanik sumiinneranillu nalunaaruteqartartunik. Inmarsat EPIRB-it nutaat GPS-inik atortulerlugit sananeqartarput.
Imartani tamani COSPAS/SARSAT EPIRP-it atorneqarsinnaapput, russit/amerikamiullu suleqatigiinnermikkut pilersinnikuusaat, qaammataasat qalasersuit qulaavaallugit ingerlaartut atorlugit nassitsisinnaasut.
COSPAS/SARSAT EPIRB-it frekvens-inik 121.5MHz aamma 406MHz-inik atuipput. 121.5MHz -it atungaajunnaarnissaat killilerneqarsimavoq 1. februar 2009. Taamaattorli 121.5MHz EPIRB-ini atuutsinneqarallassaaq timmisartuniit naleqqersorneqarsinnaanerat pissutigalugu. Taamaalillutik 121.5MHz EPIRB-it GPS-ilernerasigut sumiiffiliinermi toraajunerulersinneqarput 406MHz EPIRP-inut naleqqersuuneqarsinnaanngikkaluarlutik. Aammattaaq 406MHz EPIRB-it angallatip ilisarnaataanik annaassiniarnermik suliaqartunuk nassiussisarput.
Imartani tamani SART nødradiosender atorneqarsinnaavoq, aallakaatitsinermini angallatit 3 centimeter radar-ianit naleqqersorneqarsinnaasoq.