Paasissutissat Inmarsat-inut tunngasut

Qanoq ililluni angallat Inmarsat-nik pisatsersuutilik atassuteqarfigineqarsinnaava
Angallat atassuteqarfiginiaranni qaammataasakkut sorlikkut sianerfigineqarsinnaanersoq paasisariaqarpoq. Assilineqartumai takuneqarsinnaavoq immikkoortortat sorliit qaammataasat angumaneraat. Immikkoortut tungujortunik nalunaaqutserneqarsimasut Inmarsat mobil-M-it angumavaat.




Maluginiaruk Atlantikorsuup avannaa kalaallit nunaannut atasoq, qaammataasanik marlunnik angumaneqarmat. Assilineqartumi takuneqarsinnaapput Inmarsat imartai, tassaasullu

• AOR E - Atlantikorsuaq kangilleq 
• AOR W - Atlantikorsuaq killeq  
• POR - Manerassuaq (Pacific Ocean) 
• IOR - Indiap imartaa

Makkualu qaammataasat immikkortortaqarfiinut normut atorneqartarput:

Kalaallit nunaanniit angallammut oqarasuaatikkut sianerniaraanni Inmarsat-normulimmut 1234567 imatut iliortariaqarpoq:
00 – nunanut tamanut sianerniaraanni 871 - angallammut AORE-ip angumasaaniittumut 1234567 - angallatip normua

imaluunniit allatut taallugu: 00 871 1234567

Qaammataasap immikkoortortami normua nalugaanni, imaluunniit angallat qaammataasamut sorlermut attavilerneqarsimanersoq nalungaanni immikkoortortap normua atorneqarsinnaavoq 870, tassanilu pineqarput Inmarsat aalajangersimasut B aama M.
Taamaaliornikkut anguneqassaaq angallammut attavilerneqarneq, Inmarsat-ip toqqaannartumik angallatip qaammataasamut sorlermut attavilerneqarsimanera ujartarmagu.

Angallatip normua Inmarsat-ip internet-imi quppernera atorlugu ujarneqarsinnaavoq una toorlugu. Satellit-ikkut atortut normuisigut immikkoortinneqarsinnaapput.

Angallatit Inmarsat-C-ginnarnik atortullik sianerfigineqarsinnaanngillat. Taamaallaat nassiussisoqarsinnaavoq fax, telex aamma e-mail atorlugu.

Pisatsersuutit atorneqarnerusut normui atorneqarfigisinnaasaalu ataani takuneqarsinnaapput:

Akinik paasiniaaniaraanni, qaammataasat aqqutigalugit Inmarsat atorlugit sianernermi, TELEp Atuisunut Sullissivianut oqarasuaat 808080 sianerfigineqarsinnaavoq.