Angalasunut oqaluussinerit
Qanoq inniminniisoqartarpa
Angalasunut oqaluussiniarnermi Sinerissami radioqarfiit kiffartuussinernut normui inniminniiffiusarput:
Sinerissami radioqarfimmi sullissisut oqaloqatiginninniarnerni inniminniissutissavaatsit kiisalu qanoq akeqarnerinik paasitissallutit.
Inniminniineq tiguneqaraangat angallat ingerlaannaq attaveqarfiginiarneqartarpoq.
Angallatinut oqaluussiniarnerit sukkanerpaamik ingerlateqqinniarneqartarput apeqqutaalluni angallat naalaarnersoq aammalu radiokkut attaveqaatit atoruminarnersut. Angallat ingerlaannartumik akinngikkaangat angalasunut nalunaaruteqarnissanut ilanngunneqartarpoq, taakkualu nalunaaquttap akunneri pingasukkaarlugit aallakaatinneqartarput sapinngisamik Sinerissami radioqarfiup nassitsissutai tamaasa atorlugit.
Qaqugukkut angallammut oqaluussiniarnerit attavilerneqartarpat
Nunamiit angallammut oqaluussiniarluni inniminniineq, Sinerissami radioqarfiup sumiiffik angallammik VHF kanalikkut kingullermik attaviginniffigisimasaa attaviginniffiusarput.
Kingorna angalasunut nalunaaruteqarnissamut ilanngunneqartarpoq.
Angallat VHF-ip angusinnaanngisaaniippat angalasunut nalunaaruteqarnermi tullermi attavigineqassaaq, attaviginnittoqassaarlu sapinngisamik Sinerissami radioqarfiup piffissami tassani nassitsissutaasigut atorneqanngitsutigut.
Angallatit angalatillutik sapingisamik Radioqarfiit frekvensiinik kanaliinillu naalaartartussaapput. Angalasunut nalunaaruteqarnerni angallatip atini tusaruniuk piaarnerpaamik akissuteqassaaq.
Malugiuk, oqaluussiniartut piffissanut angalasunut nalunaaruteqarnissanut Sinerissami radioqarfinniit utaqqimaartinniarneqartarmata, taamaaliortarput angallatit sapinngisamik attaviginiarneqarsinnaaqqullugit.
Aasiaat radioata Ammassaliullu radioata angalasunut nalunaarutit aallakaatittarpai HF-imi, MF-imi VHF-imilu frekvens-it kanal-illu atorlugit.