VHF – Very High Frequency - sunngiffimmi aammalu inuussutissarsiutitut angallatinut kiisalu umiatsiaaqqanut amerlaqisunut ikkussuunneqartarpoq.
Angallatini annerusuni VHF-it assigiinngitsut arlallit ikkussuunneqarsimasarput, tamakku angallammi namminermi attaveqatigiinnernut aammalu angallatip sillimaniarnermi atortuata ilaatut atorneqartarput.
VHF radiot assigiinngitsut arlallit pigineqarput:
Sunngiffimmi angallammi imaluunniit inuussutissarsiutitut angallammi aalajangersimasumik ikkussuussatut angusinnaasaq nalinginnaasoq 10-20 sømiliuvoq. Umiatsiaaqqani tigummiartakkatut angusinnaasaq annikinneruvoq – nalinginnaasumik 5-10 sømiliulluni. Umiarsuarni annerusuni portusuumi antenneliiffiusinnaasuni angusinnaasaq 20-30 sømiliuvoq. Kangerlunni, kangerliumanerni, qaqqat sinersillugit aammalu sikup sinaava sinertillugu piffiit ilaanni VHF-imik atuisinnaanerup ajornarsinnaanera imaluunniit qularnaatsumik atuisinnaanerup ajornarsinnaanera ilimagineqartariaqarpoq.
Umiatsiami ikkussuussimagaanni Sinerissami radioqarfinnik aammalu angallatinik qanittuniittunik attaveqartoqarsinnaassaaq, tassuuna VHF radio mobiltelefonimut naleqqiulluni pitsaaneroqaaq.
Sinerissami portusooqarfinni arlalissuarni Sinerissami radioqarfiit VHF stationeqarfeqarput. Inissisimanerusarput sakkortusaaveqarfiutigisuni, atortummi pioreersut taamaalillugit atorluarneqartarmata.
VHF-it nalinginnaasumik angusinnaasaanniit Sinerissami radioqarfiit angusinnaasaannik inissisimaffiit annertunerutitseqaat. Malunnarluartarpoq Sinerissami radioqarfiit kangerloqarfiit ilarujussui angusinnaasaraat, soorlu assersuutigalugu Qeqertarsuup Tunua imaluunniit Nuup kangerlua.
VHF-eqarfiit tamarmik immikkut sullissinermut kanaleqarnerisa saniatigut, Aasiaat radioanit ulloq unnuarlu naalaarneqartartuniit, aammattaaq piujuarpoq ajunaalernermi sullissinermut atassuteqaat kanal 16, Sinerissami radioqarfinnit tamanit naalaarneqartuaannartuusoq.