Piffinni mobiltelefonimit anguneqarsinnaasuni angalaaraluaraannilunniit angallammi VHF-eqarneq pitsaanerujuaannarpoq.
Angallammi VHF-radioqaraanni makku pineqarsinnaapput
- annaassiniarnermi oqartussaasunut attaveqarneq
- angallatit qanittumiittut attavigineqarsinnaanerat
- silassamik aarlerisaarutit
- silap qanoq innissaanik paasisaqarsinnaaneq
- sikunik nalunaarutit
- sumiissusersiornermi mianersoqqussutit
- umiarsuarnik nakkutilliivimmik atuisinnaaneq
- angerlarsimaffimmut sianersinnaaneq
- pisariaqassappat nakorsamit ikiorneqarsinnaaneq
aammalu minnerunngitsumik VHF-ip angusinnaasai mobiltelefonimiit pitsaaneroqisut.
Mobiltelefonimiit sianernermi ataatsimi taamaallaat normumut ataatsimut aalajangersimasumut sianertoqarsinnaavoq – normu optageqqanngippat. Umiarsuaq takusinnaasaq mobiltelefonimiit sianerfigiinnarneqarsinnaasanngilaq.
Ajornartorsiuleraanni angallammilu VHF-eqarluni, taanna atorlugu misilinneqartareersumik periaatsimik aallartitsisoqassaaq, annaassiniarnermummi oqartussaasut angallatillu allat qanittumiittut aammalu sinerissami radioqarfiit periaasissaqarmata aalajangersimaqqissaartunik qanoq iliortoqarnissaanut.
Kisianni ajornartorsiornerinnarmi VHF-radio iluaqutigineqartariaqanngilaq. Angallatit allat qanittumiittut oqaloqatiginissaat aamma pisariitsunnguuvoq.