Kalaallit Nunaata imartaani angalalluni aallannginnermi silap qanoq innissaa paasiniaqqaartariaqarpoq. Tassa najukkap qimatassap, ingerlaarfissap aammalu tikiffissap silaata qanoq innissaat.
Ulluni arlalinni angalasussaatilluni aallarnissaq ullunik arlalinnik sioqqullugu silassamik nalunaarutit tusarnaaqqaartariaqarput.
Silassamik nalunaarutit Kalaallit Nunaata Radioanit - KNR radiofoniikkut aallakaatinneqartarput. Illoqarfinni FM-ikkut, avataanilu langbølge atorlugu senderitigut arlalitsigut piffinni nalinginnaasumik radiokkut tusaasinnaanngitsunut, ilaatigut imaani angallattunut, naatsorsuunneqartutigut:
Upernavik 810 kHz
Uummannaq 900 kHz
Qeqertarsuaq 650 kHz
Nuuk 570 kHz
Simiutaq 720 kHz
Senderit taakku kangerlunni amerlanerni aamma tusaaneqarsinnaassapput.
TELE Kalaallit Nunaanni illoqarfinni silassaq pillugu telefonikkut 153/154-ikkut (kalaallisut/qallunaatut) aammalu Kalaallit Nunaata imartaani silassaq pillugu telefonikkut 157/158-ikkut (kalaallisut/qallunaatut) nalunaaruteqartarpoq. Malugiuk, illoqarfinnut silassamik nalunaarutit taamaallaat atuummata illoqarfiup eqqaanuinnaq; imartanulli silassamik nalunaarutit atuummata sinerissami - 'ikkarlummiit avallermiit' - avammut.
Imartanut asseq DMI-meersoq takuuk
una toorlugu.
Aamma eqqaamakkit
- Orsussamaatissaq
- Motorimut taartissamaatissat (tændrørit)
- Iputit
- Sakkuutit
- Atisat oqortut
- Aalisaatit nerisassallu
- VHF radio
- FM/AM radiomik tigooraasoq batteriilik
- Mobiltelefoni, naak taannaVHF-ituulli periarfissaqartiginngikkaluartoq.
... minnerunngitsumillu: Angalanissannik, qaqugu tikinnissamik naatsorsuutiginninninnik sumunnarfissannillu ilaquttatit ilisimatikkit.
Aamma atorsinnaavat sinerissamik nakkutilliineq – takuuk sinerissami radioqarfiit kiffartuussivii services.