Teknikkimut tunngasunik nassuiaat
Kalaallit Nunaanni radioqarfiit VHF-imut, mellembølgemut aamma kortbølgemut pisatsersuutit Kalaallit Nunaata kitaata sineriaaniittut, kujataani Nunap Isuata eqqaaniit avannamut Holmip Qeqertaanut kiisalu Tunumi Ammassaliup eqqaaniittut, ingerlatarivaat.
VHF-imut pisatsersuutit marlunnik marloqiusanik nassitsissuteqarput, ataaseq kanal 16-imut aammalu ataaseq sullissinermut kanalimut. Pisatsersuutit tamarmik immikkut antenneqarput 25 W-isunik. Piffinni atorneqarnerpaaffiusuni ataasiakkaani, sullissinermi kanalinik immikkut peqartoqarpoq.
(VHF-imut pisatsersuutit STORNO-p imaluunniit Danphone-p nioqqutissiarai).
Mellembølge-mut pisatsersuutit ataatsimik marloqiusamik nassitsissuteqarput 2182-ikkut, 2187,5-ikkut aammalu sullissinermi kanalikkut nassitsisinnaasumik. Antenne-a groundplane-uvoq 30 meteritut portutigisoq, atorsinnaassagunilu 1 kW PEP pisariaqartillugu. (Nassitsissutit Dansk Radio-p sanaartugarai).
Tigooraaviit atortoqarput SP Sailor-iminngaaneersunik kanali ataaseq atorlugu tigooraasunik arlalinnik , 2182kHz telefonimut aamma MF DSC 2187,5kHz -imut naalaarutitut atorneqartunik aammalu sullissinermut tigooraavittut taakkununnga atugassatut frekvensiliunneqarsimasutigut.
Kortbølge-mut pisatsersuutit Aasianni, Qeqertarsuarmi Ammassalimmilu pigineqarput.
Taakkunani aammattaaq Dansk Radio-minngaaneersut nassitsissutit 1 kW PEP-it namminneq antenneminnut nammineertumik allanngorarsinnaasumik tuner-ilikkanut attavilikkat atorneqarput. Tigooraavittut atorneqarput SP Sailor-imit aamma Rohde&Schwarts-imit kanalit arlallit atorlugit tigooraaviliat. Taakku analogemik digitalimillu aqutsiveqarfinniit aqunneqarput aammattaaq pisortat nalunaarasuartaateqarnermi attaveqaataannut attaviliisuusunut.
Ungasianiit aqunneqarneri periaatsit assigiinngisitaartorpassuit atorlugit ingerlanneqarput, ilaatigut toortagannguit pisariitsut atorneriniit qarasaasiakkut attaveqarnerup modem-ikkoortup atorneranut.