Kalaallit Nunaanni innuttaasut affaasa 3G maanna atorsinnaalerpaat. Maniitsoq maannakkut aamma ilannguppoq.
23. juni 2011
Amerlanerit malugisimassagunagaattut 3G illoqarfinni Qaqortumi, Sisimiuni, Ilulissani, Aasianni maannalu aamma Maniitsumi atorsinnaanngorpoq.
Mobilt Bredbånd 2010-mi Kangerlussuarmi Nuummilu saqqummiupparput, 2011-milu 3G-p attaviata pitsanngorsartuarnera ingerlateqqipparput.
2011-mi killiffik imatut isikkoqarpoq:
Qaqortumi ingerlalerpoq ulloq 11. april, Mobilt Bredbåndilu saqqummiunneqarpoq ulloq 4. maj.
Sisimiuni ingerlalerpoq uge 21-mi, Mobilt Bredbåndilu saqqummiunneqarpoq ulloq 6. juni.
Ilulissani ingerlalerpoq ulloq 8. juni, Mobilt Bredbåndillu ULLUMIKKUT ulloq 23. juni saqqummiunneqarpoq.
Aasianni ippassaq 22. juni ingerlalerpoq, ullorlu saqqummiussivissatut aalajangiunneqartoq tassaavoq 7. juli.
Tamatuma saniatigut nuannaarutigalugu nalunaarutigineqarsinnaavoq suliaq tamanna annertusineqarmat aamma Maniitsumi atorneqartussanngorlugu, tamatumalu ingerlalernissaa uge 27-mi pilersaarutigaarput, taavalu saqqummiullugu ulloq 14. juli. (Killiffik ulloq 8/7-2011 tassaavoq, 3G ingerlavoq, taavalu Mobilt Bredbånd juulip naannginnerani saqqummiunneqassalluni.)
Taamaalilluta nunatsinni innuttaasut affaat 3G-mik atuisinnaanngortippagut. Illoqarfiit pineqartut arlaanni atuisutut, maanna internetit illoqarfinni imaluunniit illoqarfinnut annerusunut angalatillutit kaasarfimmiorisinnaanngorpat piumalleruillu internetersinnaanngorlutit, mobilit atorlugu imaluunniit Mobilt Bredbånd atorlugu.
3G-p ukioq manna atorsinnaanngortiternera julip naanerani naammassineqassagaluartoq, pitsaassuseq atuisullu Mobilt Bredbåndimik atuinerminni misigisaat suli pitsaaninngortinniarlugit suliuassaagut.
3G pillugu paasissutissat
3G-p sukkasuumik mobildata-nik tigusitittarpaatit. 3G atorlugu mobilinninngaanniit internetimut isersinnaavutit aallernermi sukkassutsit 1 Mbit/s-it nassiussinermilu 256 Kbit/s-it angullugit sukkassusillit atorlugit.
GPRS-imut naleqqiutissagaanni, tassani aallernermi nassiussinermilu sukkassusiuvoq 40-85 Kbits/s. Mobilinni Mobildata pillugu annerusumik atuarit
Mobilt Bredbånd pillugu paasissutissat
Mobilt Bredbånd tassaavoq ledningeqanngitsumik 3G aqqutigalugu internetimut attaveqarsinnaaneq. Mobilt Bredbånd-ip atortoraa SIM-korti, USB modem-imut imaluunniit qarasaasiat modem-eqareersimappat tassunga toqqaannartumik inissinneqartussaq. Taamaalioreeruit illoqarfinni 3G-mik atuisinnaaffiusuni sumiikkaluaruilluunniit internetimut isersinnaanngussaatit.
Mobilt Bredbånd pillugu annerusumik atuarit