Ujuunnguaq Jaakulu iPhone 4S-imik eqquipput
Ulloq 21. januar ukioq manna, Nuummi unnummi kulturisiorfimmi 13-inik eqqortunik akissuteqarnermikkut Ujuunnguaq Nathansen aamma Jakob Biilmann iPhone 4S-inik marluullutik eqquisuupput.
Aila 12-inik ukiulik aamma 8-nik ukiulik Paninnguaq meeqqat unammineranni ajugaasuupput.
Ajugaasut unnummi kulturisiorfimmi TELE-POST Centerimik aamma imaani kabelip stationeqarfianik alakkaasut hundredit arlallit akornanninngaanneersuupput.
Nuummi TELE-POST Centeri unnummi kulturisiorfimmi peqataajuartartoq, TELE-qarfik perngaammik peqataavoq imaani kabelip stationeqarfianik alakkaasitsinermigut.
Imaani kabeleqarfimmi alakkaasut ilaatigut misilissinnaavaat sakkortusaaviup qanoq ingerlanneqartarnera parabolip isuini illugiillutik oqaloqatigiinnermikkut.
Alakkaasut aammattaaq Kalaallit Nunaanni video atorlugu ataatsimeeqatigiiffiusinnaasukkut nutaaliaanerpaakkut Danmarkimi 4000 km-isut ungasitsigisumiittut kalaallit ilinniartut tallimat isigalugit ataatsimeeqatigisuusaarlugit misilippaat.
- Unnuk nuanneqaaq alakkaasut nuannaartut paasisaqarumalluartullu ilagalugit, tamannalu assut qujamasuutigaarput. Imaani kabelip stationeqarfia aappaagu peqataaqqissaaq, taama oqarpoq Attaveqatigiinnermut pisortaq Sæunn L. Nolsøe.
Pisortaanerugallartup Steen Montgomery-Andersen-ip Ujuunnguaq Nathansen-ip pinnattaassaa tunniuppaa. Ass.:TELE-POST