Pisortaanerup Mælkebøtten 15.000 kr.-inik tunivaa

TELE Greenland A/S-imi pisortaaneq Brian Buus Pedersen 1. febr. 50-iliivoq. Tassunga atatillugu nalunaarutigaa, tunisisoqarniaruni aningaasanik tunisissasut, taakkulu meeqqat illuanut Nuummiittumut Mælkebøtten-imut ingerlateqqinniarini. 

Brian Buus Pedersen-ip ippassaq 3. febr. aningaasat tunissutisiani 15.000. kr. Mælkebøtten-imi ningiumut Kirsten Ørgaard-imut tunniuppai. Aningaasat illup iluani sannavissami, cykelinullu iluarsaasarfissami sakkussanut atorneqartussaapput.

”Sannavimmik, cykelinullu iluarsaasarfimmik pilersitsinialersaarpugut, Brian Buus Pedersen-ilu isumaqatigiissutigaarput aningaasat sakkussanut atorneqassasut. Taama iliuuseqarnera pillugu nuannaaqaagut, qujamasoqalutalu” Kirsten Ørgaard oqarpoq.

Aningaasat   3.200 kr.-it TELE-POST-imi sulisunit tunissutaapput, TELE Greenlands A/S-imi siulersuisut taakku marloriaatinngortippaat, aningaasallu sinneri Brian Buus Pedersen-ip 1. febr. 50-iliinerani qaaqqusat tunnissutigaat.