Julie erinarsoqatigiivilu TV 2 AllStars-imiittut tapersersukkit
Julie erinarsoqatigiivilu TV 2 AllStars-imiittut tapersersukkit
Ukioq manna TV-kkut AllStars-imi unammisitsisoqarnerani Julie Berthelsen-ip erinarsoqatigiivisa Rasmus Nøhr-imut, Niarn-imut aamma Johnson-imut unammineranni nunatsinniit tapersersuerusuttut TELE-p periarfissippai.
TV 2 suleqatigalugu TELE-p atuisuni periarfissippai, TV 2-p aaqqissuussaani AllStars-imi erinarsorlutik unammisut arlaannik taasisinnaanissaannut. Erinarsoqatigiinnut ajugaasunut akissarsiat 250.000 kronit peqatigiiffimmut Nanu Børn-inut tunniunneqarnissaat Julie-p oqaatigaa. TV 2-p KNR-illu aallakaatitap toqqaannartumik aallakaatinneqarnissaa isumaqatigiissutigivaat, taamaalillutik Kalaallit Nunaanni najugallit tamaasa malinnaasinnaanissaannik nuannarinerpaasaminnillu taasisinnaanissaannik periarfissillugit.
TELE-p sullitani siusinnerusukkut periarfissikkusussimagaluarpai assersuutigalugu aallakaatitassiani X Factor-imi aamma Talent 2009-mi peqataasunik taasisinnaanissaannik. Akunnernilli sisamanik kingulliullutik aallakaatinneqartarmata, periarfissaq tamanna atorneqartarsimanngilaq, naak ajornarsimanngikkaluartoq. ”Maannakkulli aallakaatitaq KNR-ip toqqaannartumik aallakaatittussaammagu, atuisugut soorunami Danmarkimi najugallit assigalugit taasisinnaaniissaannik periarfissinniarpagut” Product Manager Milan Lund Vraa oqarpoq.
”Julie erinarsoqatigiinilu peqataammata uatsinnut pingaaruteqarpoq Kalaallit Nunaanni atuisutta SMS-erlutik taaseqataasinnaanissaat. Neriuutigaarpullu amerlasuut Juliep erinarsoqatigiivinik tapersersuillutik taasisinnaanertik atorluassagaat, uggornassaqaarmi erinarsoqatigiinnik aqutsisut allat ilaat ajugassappata, Juliep erinarsoqatigiivilu nunatsinniit tapersersorneqarsinnaannginnerat pissutigiinnarlugu” Product Manager Milan Lund Vraa oqarpoq.
TV 2 aamma Julie februarimi Nuummi erinarsullaqqissunik toqqarneqarnissaminnillu neriuuteqartunik misiliisitsipput peqataaffigineqarluartumik. Juliep erinarsoqatigiinnut 20-nik inuttaqartussamut Nuummi misilitsittunit erinarsortartut arfineq-marluk toqqarpai, sinnerilu Danmarkimi misilitsittuneersuupput.
AllStars illoqarfiit akunnerini unammineruvoq. Erinarsortartut sisamat illoqarfimmi angerlarsimaffigisaminni erinarsoqatigiittussat toqqarpaat. Ukioq manna Allstars-eqarnerani taamaalillutik unammisussanngorput erinarsoqatigiit København-imeersut (Rasmus Nøhr), Århus (Johnson), Aalborg-imeersut (Niarn) aammalu Nuummeersut Julie siuttoralugu. Julie taamaalilluni arnartatuaalluni erinarsoqatigiinnik aqutsisuusussaavoq, Kalaallillu Nunaat sinnerlugu taamatut ingerlatsilluni.
Aallakaatitaq siullermeersumik takutinneqassaaq sapaatiuppat 18. april nal. 16, tamatumalu kingorna tallimanngornerit tamaasa nal. 16.00.
AllStars-ip KNR-ikkut aallakaatinneqarnerani programmip ingerlanerani qanoq iliornissanik ilitsersuussutigineqartut maliinnassavatit – Danmarkimimi toortarneqartussat maanilu Nunatsinni toortarneqartussat assigiipput.
SMS ataaseq 5 kr.-neqarpoq + SMS-ernermi akiliut nalinginnaasoq, qulingiluallu angullugit taasisinnaavutit.
Juliep AllStars-imi peqataanera TELE-p tapersersorsinnaanngortippaa – peqataarusunnersutit apeqqutaaginnarpoq.
AllStars pillugu uani atuarit:
http://programmer.tv2.dk/allstarsAnnertunerusumik paasisaqarusuttut tusagassiinermut pisortamut Malînánguaq M. Mølgaard-imut saaffiginnissinnaapput:
mmm.@tele.gl-imut, tlf. 34 12 55
Med venlig hilsen
TELE-POST