Ilulissani postboksit nutaat SMS-it email-illu atorlugit sullissisut
POST-imit maanna postboksit nutaat, postboksilinnut nassiussarsiassaminnik postboksimut nalinginnaasumut ikineqarsinnaanngitsunik aallerfiusinnaasut misiliutigalugit atuutilersilerpai.
Ilulissani TELE-POST Centeri siullersaalluni postboksinik taama ittunik ikkussuivigineqarpoq.
Taakku ikkussunnerisigut allakkamik poortukkamilluunniit allakkatut nassiussamik ammasarnerup nalinginnaasup avataatigut aallersinnaanissaq periarfissaalerpoq, taamaalillutalu atuisutta suli pitsaanerusumik sullinnissaannut periarfissaqalerluta.
Igalaasami ”toorsinikkut”, aammalu postboksip automatiani stregkode-mik scannerinikkut postboksip matua ammassaaq, atuisullu nassiussarsiassani tigusinnaanngussavaa. Tamannalu pisariitsunnguuvoq.
POST-ip aamma sullississutitut nutaatut Ilulissani atuisuminut maanna email-imik SMS-imilluunniit nassiussisinnaanngorpoq allagaq poortugarluunniit postboksitaamut ikisimaleriaraangamiuk. Perissamik tamatuminnga atuineq akeqanngilaq.
Annertunerusumik paasisaqarusuttut POST-ip pisortaanera Per Svendsen e-mailikkut psv@tele.gl –ikkut attavigineqarsinnaavaat. Taamatuttaaq saaffiginnittoqarsinnaavoq Tusagassiinermut pisortamut Malînánguaq M. Mølgaard-imut mmm@tele.gl-ikkut. Marluullutik sianerfigineqarsinnaapput tlf. 34 12 55-imut.
Inussiarnersumik inuulluaqqusilluta
TELE-POST