Air Greenlandip ukiunik 50-iliinera frimærkimi

15-01-2010

Ukiorpassuarni Air Greenland Kalaallit Nunaanni inunnik angallassisarsimavoq. Ukiut 50-it matuma siorna silaannakkut angalatitseqatigiiffiup timmisartoq siulleq Kalaallit Nunaanni angalatippaa.

Ataasinngorneq 18. januar POST Greenlandip aamma Air Greenlandip, silaannakkut angalatitseqatigiiffiup ukiunik 50-inngortorsiorneranut atatillugu frimærki immikkut ittumik suliarineqarsimasoq saqqummersissavaat. Tamanna Kalaallit Nunaata Kulturikkut Illorsuani Nuummiittumi Katuami ingerlanneqassaaq.

Tassani aamma peqataassaaq frimærkimik suliarinnittoq, Ina Rosing. Ina Rosing, kalaallit frimærkiliullammassuup Jens Rosing-ip panigaa, namminerlu aamma sapinngilluinnarluni takutippaa. Frimærkimik saqqummersitsinermi oqalugiassaaq Air Greenlandip pisortaanera Michael Binzer aammalu POST-imi frimærkinut pisortaq Pertti Frandsen. Air Greenlandip nalliuttorsiorneranut atatillugu nittartagaq Michael Binzer-ip aammattaaq saqqummiutissavaa.

Taamaalilluni Air Greenlandip ukiunik 50-inngortorsiornerata nalliuttorsiutigineqarnera aallarnerneqassaaq frimærkimik website-millu Katuami saqqummersitsinikkut ulloq 18. januar.

Ulloq taanna saqqummersitsinissamut tusagassiortut qaaqquneqarput nal. 14-imiit 15-imut Katuap inersuaaraani.

Apeqqutissallit TELE-POST-imi Tusagassiinermut pisortamut Malînánguaq M. Mølgaard-imut, tlf. +299 341255-imut email mmm@tele.gl–imut saaffiginnissinnaapput, imaluunniit Frimærkinik Tuniniaanermut pisortamut Allan Pertti Frandsen-imut tlf. +299 341810-mut, email apf@tele.gl-imut. Aammattaaq apeqquteqartoqarsinnaavoq Air Greenland-imi Koncern PR chef-imut Jesper Kunuk Egede-mut, JKE@grb.dk, tlf. +45 3313 1011.