Dronngingip 70-iliinerani frimærki nutaaq
Kunngikkormiut kalaallillu akornanni qilerutit ilumoortut itisuullu atuupput.
POST Greenland-imiit tulluusimaarutigineqarpoq 16. april Dronningip 70-inik ukioqalerneranut atatillgu frimærki angisooq immikkut saqqummersissinnaagamikku.
Dronningi Kalaallillu Nunaat
Dronningip 1960-imi suli prinsessiutilluni nunarput tikeraaqqaarpaa. Tamatumap kingorna Dronningip nuannaarutaasumik ataqqeqatigiinnermillu aallaaveqartumik nunarput arlalippassuariarlugu tikeraartarpaa.
Dronningip kingullermik nunarput tikeraarpaa siorna, ataqqinartorsuup inuiaqatigiinnut kalaallinut namminersornerup inatsisitaava Nuummi Inatsisartunut tunniukkamiuk.
Tamanna pivoq Kalaallit inuiattut ullorsiorneranni 21. juni 2009.
Asseq frimærkimi assitarineqartoq, namminersornermi inatsisip tunniunnerata kinguninngua assilisaavoq. Asseq kunngikkormiut assiliisartuanit Steen Brogaard-imit assilisaavoq, assitaralugu Ataqqinartorsuaq kusanaqaluni kalaallisoortoq. Assilisaq Nuummi illuinnaat eqqaanni nipaatsumi assilisaavoq. Assimi tunuliaqutaavoq Nuup ilisarnaataa Sermitsiaq 1.210 meterimik portussuseqartoq. Dorit Olsen frimærkimik ilioqqaassuuvoq.
Kalaallit meerartaat Droninngip uummateqarfigai; Peqatigiiffimmur Kalaallit Meerartaannut illersuisuuvoq. Peqatigiiffik Kalaallit Meerartaat politikkimut, aningaasannanniarnernullu attuumassuteqanngilaq, pisortanillu aningaasalersorneqarani.
Peqatigiiffimmi suliaqartut arlalissuupput, namminneq piumassutsiminnik sulisuullutik, peqatigiiffillu aningaasaateqarfiit, suliffeqarfiillu namminersortut aningaasaliissutaannik nappateqarpoq. Tamakku aamma ilaatigut pillugit Droninngi kunngikkormiullu sinneri – aamma siunissami – Kalaallit Nunaanni nutaaliaasumi katersuuffittut atorneqarsinnaalluarput.
Frimærkimut tunngasunik annertunerusumik paasisaqarusuttut uunga alakkaasinnaapput
www.stamps.glApeqqutissallit TELE-POST-imi Tusagassiinermut pisortamut Malînánguaq M. Mølgaard-imut, tlf. +299 341255-imut email
mmm@tele.gl –imut saaffiginnissinnaapput, imaluunniit Frimærkinik Tuniniaanermut pisortamut Allan Pertti Frandsen-imut tlf. +299 341810-mut, email
apf@tele.gl -imut.