TELE-mi innermik anitsisoq pillugu sillimasoqarpoq
TELE-p Islandimi innermik anitsisoq qanimut malinnaaffigaa, anitsisormi sakkortusissagaluarpat TELE Greenland-ip imaatigut kabelimut nunniffiata Islandimi Landeyasandur-imiittup eqqorneqarsinnaanera aarleqqutigineqarsinnaammat, aarleqqutigineqaleraluarlunilumi. Tassami sermersuaq innermik anitsiviusoq imaatigut kabelimut nunniffimmut ungasinngilaq.
TELE Greenland-ip Islandimi suleqataasa Farice-meersut, innermik anitsineq aallartimmalli
TELE stationip eqqaani pisunik malinnaatippaat. Pineqartup eqqaani kuummik qarsutsisoqalernera pissutigalugu inuit sumiiffimmiit peeqquneqalermata, Faricep stationip qarsutsinermit eqqorneqarsinnaanera aarleqqutigalugu iliuuseqarpoq. Stationimik sanaqataasimasup, illumi pineqartumi kabelimut putuliarineqarsimasut, kuuffiit, annartarfiillu matoorarlugillu simissorpai. Taakkulu saniatigut illumi matut tamaasa qummimik ussissaasersorlugit.
Unnuaq unnuup ingerlanerani innermik annikitsumik anitsisoqartarsimavoq, taakkuli ajornartorsiortitsisimanngillat. Maannali ajornartorsiutaasut tassaapput innermik anitsisup silaannarmiit arsakui – taakkulu annertupput.
Farice-p arsakut nakkaanerisa imaatigut kabelimi silaannarissarfinni filterilersuinikkut unitsinneqarsinnaanersut misissortissimavaa, unitsinneqarsinnaanerallu uppernarsisimallugu.
Taamaattorli silaannarissarfiit matuinnarnissaat aalajangerneqarsimavoq, filterit taarseriarlugit station-imukaqqusaajunnaarsinnaanissaq aarleqqutigalugu. Filterimmi akuttunngitsunik taarserneqartartussaammata. Taammaammat teknikkimik suliaqartut silaannarissarfiit mililluaannarsimavaat. Tamannalu stationip ingerlaneranut akunautaassanngitsoq oqaatigineqarpoq.
Nunatsinnut atuisunut atatillugu erseqqissarneqassaaq, stationimik matusisoqassappat tamanna nunatsinnni atuisunut sunniuteqassanngitsoqt, tassami sillimmaterput imaatigut kabelip aappaa Canadakkoortoq atuinassagatsigu, tamaalillutalu nunarsuup sinneranut attaveqartuaannarsinnaalluta.
Annertunerusumik paasisaqarusuttut Tusagassiinnermut pisortamut Malînánguaq M. Mølgaard-imut saaffiginnissinnaapput email:
mmm@tele.gl, tlf. 34 12 55
Inussiarnersumik inuulluaqqusilluta
TELE-POST