Nassiussat timmisartukkoortussat umiarsuaakkuulerput
Ilisimaneqartutut Islandimi innermik anitsisoqarnerata kingunerisaanik Danmarkimiit nunatsinnut timmisartunik angalasoqarsimanngilaq. Københavnimi nassiussassat amerlingaluttuinnari pissutigalugit, Air Greenland-illu ajornassanngippat siusinnerpaamik pingasunngorpat timmisitsilernissaminik nalunaaruteqarnerata kingunerisaanik,
Post Danmark maanna aalajangerpoq, timmisartukkut nassiussassat 1.000 kg.-it missaat umiarsuakkut Nuummut ingerlatiinnarniarlugit.
Nassiussassat timmisartukkoortussaagaluit Aalborg-imiit umiarsuakkut pingasunngorpat 21. april 2010 aallarunneqassapput, Nuummullu 28. april 2010 apuunnissaat naatsorsuutigineqarluni.
Allakkat poortukkallu Nuup avataanukartut timmisartukkoortussat suli København-ip mittarfissuani utaqqisinneqarput.
POST Danmark-ip TELE-POST-illu ingerlaavartumik nalilersuisarnitik ingerlatiinnassavaat, København-milu mittarfik matoqqaannassappat, nassiussat timmisartukkoortussat Aalborg-imiit umiarsuakkut nassiussinnaanissaat eqqarsaatersuutigineqarpoq.
Annertunertusumik paasisaqarusuttut Tusagassiinermut pisortaq Malînánguaq M. Mølgaard saaffigisinnaavaat email:
mmm@tele.gl imaluunniit Siammartiterinermut pisortaq Lars Holm Hansen
lhh@tele.gl telefon 34 12 55-imut.