Kangerlussuup Mittarfiani attaviup 3G-p atorneqalernera

Nuummi 3G-p iluatsittumik atulernerata kingorna TELE Greenland A/S maanna ingerlaqqippoq mobilinut attaviup 3G-p Kangerlussuup Mittarfiani aamma atulersinneratigut. Taamaalillutik angalasut maanna nutaarsiassanik atuarsinnaanngorput, Facebook-ersinnaalerlutik aammalu YouTube-minngaanniit videorsinnaalerlutik imaluunniit e-mailisiatik alakkarsinnaanngorlugit suliffimmillu attaveqaataannut pilertortumik isersinnaanngorlutik.

Kangerlussuup Mittarfiani attaviup nutaap 3G-p atulerneratigut Mobilt Bredbåndimik atuisut nutaamik atuiffissaqalerput, tassannga atuisuuneq maanna Nuummi Kangerlussuullu Mittarfiani atorneqarsinnaanngormat.

TELE Greenland A/S-ip 2011-p ingerlanerani mobilinut attaviup 3G-p atorsinnaaffii amerliseqqissavai illoqarfinni pingasuni ataani allassimasuni atorsinnaanngorlugu: 

 • Sisimiut
 • Ilulissat
 • Qaqortoq

Illoqarfiit pingasut taakku saniatigut TELE-p 2011-mi Kangerlussuarmi 3G-p angusinnaasaa annertusiniarpaa, taamaalilluni mittarfiup avataani aamma atorneqarsinnaanngorlugu.
 
Allanik paasisaqarumagaanni pisortaanerup allattaa Jeppe Jensen attavigineqarsinnaavoq e-mail jeppe@tele.gl –imut imaluunniit sianerfigineqarsinnaalluni telefon 34 12 55.

Inussiarnersumik inuulluaqqusilluta / Med venlig hilsen
TELE-POST