Frimærkit nutaat: Avannaa immap sinaani – sineriammi inuuneq
Aka Høegh-ip Kalaallit Nunaata imartaa frimærkinut nutaanut marlunnut assitaliullugu kusanaqisumik akvarellimik qalipassimavaa.
Frimærkit ilaassapput nunani avannarlerni arfineq pingasunni allakkeriviit peqatigiillutik mappinngorlugu saqqummersitassaannut qulequtalimmut ”Top of the World of Stamps: The North by the Sea – Life at the Coast”-imi.
Nunani avannarlerni allakkeriveqarfiit saqqummersitseqataasut tassaapput: Åland, Finland, Sverige, Norge, Danmark, Island, Savalimmiut Kalaallillu Nunaat. Allakkeriveqarfiit ukiorpaalussuarni ilaatigut ataatsimoorussamik frimærkinik tulleriiaartunik saqqummersitsisarput aammalu nunani assigiinngitsuni frimærkinik takutitsisoqarnerani ataatsimoorussamik saqqummersitsiveqatigiillutik suleqatigiittarlutik.
”Avannaa immap sinaani – sineriammi inuuneq”-rmi pineqarpoq nunat avannarliit avissaarutaat imminnullu atatitsisuat: Nunat sineriaat imarlu. Nunat arfineq pingasut tamarmik immikkut frimærkit marluk ulloq 24. marts saqqummersissavaat. Frimærkit nunat immikkoorlutik saqqummersitassaasa immikkoorutigaat ark-imi ilivitsumi ataatsimi 50-ikkaajullutik pineqarsinnaagamik aammalu frimærkit marluullutik miniark-inngorlutik saqqummersinneqarlutik. Nunat immikkoorlutik miniark-iliaat aammattaaq saqqummersitsinermi mappe-mi ima qulequtalimmi pineqarsinnaapput: Top of the World of Stamps: The North by the Sea – Life at the Coast”. Mappe saqqummersinneqartussani pingasuusuni siulliuvoq, kingulliillu marluk 2012-imi 2014-imilu saqqummissallutik.
Kalaallit frimærkii 24. marts saqqummersussat Aka Høegh-ip qalipagarai. Imilersarissamik qalipagai kusanaqisut Kalaallit Nunaanni immamut sikumullu isikkivimmik takutitsipput: Sineriammik asseq aammalu umiarsualivimmik asseq. Qalipaasup pingaartinnerullugu takutinniarpaa Kujataani asasamini aasami isikkivik sikorsuarasaartoq. Frimærkimi umiarsualivimmik takutitsisumi umiarsuup usiisa nunamilu sanaartornitta imminnut atanerat malugineqarsinnaavoq.
Dorit Olsen frimærkinut marlunnut ilioqqaasuuvoq, miniark-imillu ilusilersuisuulluni.
Frimærkinik saqqummersitsinissaq pillugu annerusumik atuarit
www.stamps.gl –imi.
Apeqqutissallit TELE-POST-imi Tusagassiinermut pisortamut Malînánguaq M. Mølgaard-imut, tlf. +299 341255-imut email
mmm@tele.gl –imut saaffiginnissinnaapput, imaluunniit Frimærkinik Tuniniaanermut pisortamut Allan Pertti Frandsen-imut tlf. +299 341810-mut, email
apf@tele.gl -imut.
Inussiarnersumik inuulluaqqusilluta
med venlig hilsen
TELE-POST