Sarfarissoq II-mi isumasioqatigiinnissaq september-imut kinguartinneqarpoq

”Ajoraluaqaaq – kisianni isumaqarpugut, taamaliorneq isumatusaarnerusoq. Taamaaliornitsinnut pissutaavoq, isumasioqatigiinnissaq pitsaalluinnartumik pilersaarusiorsimagatsigu – aammalu saqqummiisussat 18-iusut aqagu tikittussaagaluit suleqatigilluaratsigit atorusullugillu.

Angalanerminni maanniinnnaq unittooqqalernissaat ernumagilerlugu isumasioqatigiinnissaq kinguartipparput. Aammami iluanngilaq inuit ullaakkut nal 6:00 mittarfiarliartikkutsigit, Kangerlussualiartillugillu, tassanngaaniillu ingerlaqqissinnaanissaat qulakkeersinnaanagu.” pilersaarusiornermut aqutsisoq Jesper Kreiner Kompetencekompagni-meersoq oqarpoq nangillunilu:

”Taamaammat maanna saqqumiissussat pikkorissut taakku isumasioqatigiinnissami septemberimi ingerlanneqartussami peqataanissaat qulakkeerniarlugu sulinerput aallartipparput. Nuannaarutigaarput Air Greenland isumasioqatigiinnissamut atatillugu suleqatigigatsigu, taakkumi paasissutissiissutaat innersuussutaallu tatiginarluinnarmata.”

www.sarfarissoq.gl ammaannassaaq, tassanilu ataatsimeersuarnissami Sarfarissoq II-mi atortussat, naalisakkat, nalunaarusiallu inissisimaannassapput, septemberimi isumasioqatigiinnissamut piareersimallutik. 

Annertunerusumik paasisaqarusuttut uunga saaffiginnissinnaapput Jesper Kreiner tlf: 48 44 73.

Inussiarnersumik inuulluaqqusilluta
TELE-POST