ICC-p toqqaannartumik internetikkut malinnaaffigisinnaanissaa TELE-p aningaasaliiffigaa

Ataatsimeersuarnerup interneti aqqutigalugu TV-kut aallakaatinneqarsinnaalerneratigut, nunarsuarmi sumiikkaluartulluunniit internertikkut mobiltelefonikkullu malinnaasinnaanissaannik periarfissippai. Inuit ICC-mut ilaasortaasut Sibiriami, Alaskami, Canadami, Kalaallit Nunaannilu najugaqartut, pisoq pereerpat naalisakkatiguinnaanngitsoq, pisulli pineranni toqqaannartumik malinnaaffigisinnaassavaat.

Aallakaatitsinissaq KNR-ip isumagaa, ataatsimeersuarnermilu pisortatigoortumik pilersaarutit, kulturikkullu pisussat aallakaatinneqartussaapput.

TELE-p Internetikkut TV-kut aallakaatitsinermi atortut attaveqaatillu ICC-mut atugassanngorlugu isumagissavai. Aammalu tusagassiortut centerianniit, tusagassiortut TV-lerisullu nunarsuarmi tamaneersut, nunagisaminnut ledningitaqanngitsumik internetikkut attaveqarsinnaanissaat periarfissiissutigalugu.   

TV-kut signalit USA-mi TELE-p suleqataanut Ustream inc.-imut ingerlanneqassapput, taakkulu internetikkut siammartissavaat. Taamaaliornikkut isiginnaartorpassuaqassagaluarpat, Kalaallit Nunaanni internetimik atuinerup ajorseriannginnissaa isumannaarniarneqarpoq.

Siunissami interneti aqqutigalugu TV-kut aallakaatitsisinnaannissaq, pisunut aalajangersimasuinnarnut atorneqartartussaanngilaq. Aammali soorlu timersornernut, kulturikkut aaqqissuussanut, politikkikkut ataatsimiinnernut, allarpassuarnullu atorneqarsinnaassalluni. Atuisutut interneti imaluunniit mobiltelefoni atorlugu malinnaarusukkaanni, tamatumap toqqaannartumik videonik isiginnaarnermi aki assigaa.   

”Maanna nunarsuarmi mutiuvoq timersornikkut pisut, politikkikkullu ataatsimiinnerit pingaaruteqartut toqqaannartumik internet aqqutigalugu TV-kut isiginnaartarneri. TELE isumaqarpoq periuseq tamanna atorneqaraluttuinnassasoq, taamaammat tamatumap siumoortumik teknikkikkut aaqqissuussaanikkullu periarfissiuunnissaa pingaartissimavarput.” Teledirektør Anders Barslund oqarpoq.

Annertunerusumik paasisaqarusuttut TELE Greenland A/S-imi Tuniniaanermi pisortaq Frank Gabriel, e-mail fg@tele.gl  tlf. 485245 imaluunniit Tusagassiinermut pisortaq Malînánguaq M. Mølgaard email mmm@tele.gl tlf: 341255 attavigisinnaavaat.

Inussiarnersumik inuulluaqqusilluta
med venlig hilsen
TELE-POST