TELE 1925-mi telegrammi siullerpaaq Qeqertarsuarmiit Danmarkimut nassiunneqarmat tunngavilerneqarpoq.
Siusinnerusukkut danskit naalagaaffiata ataani inissisimagallarami GTO-mik - tassalu Grønlandsk Tekniske Organisation-imik taaguuteqarsimavoq, 1994-imilu Namminersornerullutik Oqartussat ataaniilluni ateqalerpoq TELE Greenland A/S.
POST nunat tamalaat allakkerinikkut kattuffissuannut 1938-mi ilannguppoq, Kalaallit Nunaatalu frimærkii nunarsuarmi akuerisaasut saqqummersinneqartalerlutik.
Danskit naalagaaffiata ataani Grønlands Postvæsen ukiorpassuarni ingerlasimavoq, 1986-imilu Namminersornerullutik Oqartussanit allakkeriveqarneq tiguneqarmat Kalaallit Allakkerivianik taaguuteqalerluni.
TELE aamma POST 1997-imi ataatsimuulerput, ullumikkullu ima taaneqartarlutik: TELE-POST