TELE-POST-imi sulisut assigiinngitsunik ilinniagaqartuupput. Suliffeqarfissuup immikkoortortai ataatsimoorfeqartinniarlugit anguniakkat, suliassat, pingaartitallu tamanut tunngavittut atortut aallaaviupput.
Aammattaaq nioqquteqarnitsinni sullissinitsinnilu nunap iluani sumi inissisimaneq apeqqutaanngilaq: Tassami Kalaallit Nunaanni sumiluunniit najugaqaruit, suliguilluunniit, attaveqaatitigut allakkerinikkullu nunarsuarmut sumulluunniit attaveqarsinnaavutit. Taamaammat oqarsinnaavugut, nioqqutigut aqqutigalugit Kalaallit Nunaat nunarsuup qeqqanut pisittaripput.