Anguniakkat

Kalaallit Nunaat nunarsuup qeqqani!

TELE-POST-ip kissaatigaa, nioqqutimigut sullissinermigullu, Kalaallit Nunaanni innuttaasut, namminersortut, inuiaqatigiinnilu suliffeqarfiit, IKT-mik allakkeriveqarnermillu atuinermikkut siuttutut inissisimanissaat.
TELE-POST-ip qulakkeerusuppaa, Kalaallit Nunaanni IKT-mik atuinerup, allakkeriveqarnerullu iluani, atuisunut inuiaqatigiinnullu nioqqutissiornikkut, aningaasarsiornikkullu siuarsaanermi, kiisalu suliffeqarfinnik nutaanik piginnaasatigut ineriartorfiusunik pilersitsiortornermi suleqataanissani.
TELE-POST-ip kissaatigaa, teknologiip isumatusaartumik atorneratigut, inuiaqatigiit sumi inissisimanerat apeqqutaatinnagu, inuit tamat oqartussaaqataanerat kiisalu kulturikkut, aningaasarsiornikkullu ineriartorneq nukittorsassallugu.
TELE-POST suliffeqarfiorusuppoq tatigisaq ingerlalluartorlu, unammillerfiusuni atuisunut iluaqutaasumik naligiissitaalluni peqataasoq.
TELE-POST-ip kissaatigaa, suliffeqarfittut pilerinartuunissani, inuusuttunut IKT-p allakkeriveqarnerullu iluani pitsaasumik ilinniarfittut inissisimanissani, nunaqavissunillu ilinniarluarsimasunik sulisoqarnissani ineriartortitsinissanilu.