TELE-POST-i ukiut tamaasa pilersaarutinut aaqqissuussanulluunniit inunnut, kulturimut, timersornermulluunniit tunngasunut, Kalaallit Nunaannut TELE-POST-imullu nunatsinni nunanilu tamalaani takoqqusaarutaasinnaasunut, killilimmik tapersiisarpoq. Tapersiisoqartarpoq inuiaqatigiinni kalaallini paasissutissiinermut attaveqatigiinnermullu teknologiip (IKT-ip) siuarsarnissaanut tapersiineq iluaqutaasinnaagaangat. Erseqqissaatigineqassaaq timersornermut tunngasunut annerusumik TELE-POST-i taamaallaat Team Grønland-imut tapiissuteqartarmat.
Immikkut TELE-POST IKT-mik ineriartortitsinermi suliniutinut immikkut ittunut, piffissami killilimmi tapersiisarpoq. Tapersiisoqartarpoq nioqqut kiffartuussinerluunniit immikkut TELE-POST-ip niuernikkut ineriartornissaanut pingaaruteqarpat imaluunniit IKT-p Kalaallit Nunaanni inuiaqatigiinni atorneqarneranut ineriartuutaassinnaappat.
TELE-POST-ip IKT-mut tunngasut tamakku killimmik taamaallaat tapiiffigisarpai, tapiinermi piffissap misilinertut atorneqartussatut aalajangiussap naammassinissaata tungaanut. TELE-POST ulluinnarni ingerlatsinernut nalinginnaasunut, soorlu suliniutinut IKT-mut tunngassuteqartunut ingerlateqqinnissaannullu aamma tapiissuteqarneq ajorpoq.