2011-mi juullimut allakkat

Juullimi ileqqulersuuterpassuaqartarpugut. Juullimut pilluaqqussutit tunissutissallu tamarmik katikkaangamik tonserpassuarnik oqimaassuseqarlutik qanittumiit ungasissumiillu nassiussuunneqartarput. 2011-milu juulli allaanerussuteqanngilaq.
 
Maannakkorpiaq allagarpaalussuupput poortugarpaalussuullutillu Kalaallit Nunatsinni timmisartukkut apuuffissaminnut suli apuunneqanngitsut. Nassiussalli juullinnginnerani nassiussinissamut tunniussivissaq kingulleq sioqqullugu tunniunneqarsimasut Air Greenlandimit ikiorneqarnitsigut apuuffissaminnut apuunnissaat naatsorsuutigaarput.

Allakkerivimmi misissuinitta aammattaaq takutippaa, juullinnginnerani nassiussinissamut tunniussivissat iluanni Danmarkimut juullimut nassiussisimaguit, taava nassiussatit Danmarkimut apuutereersimassasut.
 
Juullimut allakkannut tunngasunik apeqqutissaqaruit najukkanni TELE-POST Centerimut aperinissannut tikilluaqquneqarputit.
 
Sullitagut tamaasa juullimi ukiortaassamilu pilluaqquagut.
 
Inussiarnersumik inuulluaqqusilluta
TELE-POST