2009-mi frimærkitsialaap assiliartaraa pinngortitaq kusanaqisoq

2009-mi kalaallit frimærkiliaattut kusanarnerpaatut toqqarneqarpoq Kalaallit Nunaatta pinngortitarsuanik kusanaqisumik assilisaq. Tamanna pivoq POST Greenland-ip unammisitsilluni taasisitsineratigut. Taasisorpassuit makitsisoqarpoq pinnattaassallu annersaralugu 10.000 kr.-it.

2009-mi kalaallit frimærkiliaannik kusanarnerpaamik toqqaanissaq novemberimi aallartippoq naammassillunilu ulloq 2. marts. Unammisitsineq TELE-POST-ip atuisuminut atuagassiaatigut TP-OnLine-kkut aallartinneqarpoq. Aammattaaq frimærkinik katersisartut atuagassiaatigut Greenland Collector-ikkut nalunaarutigineqarpoq. Taakku saniatigut POST Greenlandip frimærkilerituunut internetikkut nittartagaatigut www.stamps.gl –ikkut amerlaqisut toqqaapput. Taasisinnaaneq ammaneqarmalli nunarsuarmit tamarmit taasisoqartuarsimavoq.

Taaseqataarusuttut POST Greenlandip 2009-mi frimærkit saqqummersitaasa 22-t akornanni toqqaasinnaatitaapput. Frimærki ajugaasoq tassaavoq G428, tassani takuneqarsinnaavoq, nunatta kujataani aasap nunaani kusanaqisumi, inuit ilaannit nunatta naasuanik taaneqartartoq, Niviarsiaq, assimi salliulluni inissisimasoq, tunuliaqutaralugulu Kalaallit Nunaata sermersuaqarfippassuisa ilaat. Asseq Narsameersup John Rasmussen-ip assilisaraa. Frimærki 16. september 2009 saqqummersinneqartoq, immikkut qulequtserlugit “SEPAC-ip - Pinngortitaq”-mik qulequtserlugit saqqummersitttagaasa appassaraat. SEPAC tassaavoq De Små Europæiske Postvæsners Samarbejde (Europami Allakkeriveeqqat Suleqatigiiffiat) POST Greenlandip peqataaffigisaa. Frimærki naleqarpoq DKK 7,00. Dorit Olsen ilioqqaasuuvoq.

Toqqaasut tamarmik akornanni pinnattaassat annersaannik 10.000 kroniusunik makitsisoqarpoq, makitsisuulluni Kommuneqarfik Sermersuumi borgmesteri Asii Chemnitz Narup. Taassuma saniatigut 2009-mi Ukiup mappe-anik pinnattussat qulit aqqi aamma makippai. Pinnattaassamik annermik pinnattuuvoq Birgit Ømark Danmarkimi Espergærde-meersoq. POST Greenlandip pinnattaassamik annermik pinnattoq qamannga pisumik pilluaqquaa, pinnattaavilu piaartumik tunniunneqassapput. Makinneqartut allat pinnattaavi nassiunneqassapput.

2009-mi Ukiup mappeanik pinnattuupput:

Hans H. Sørensen, Otterup, Danmark.
Uluffa Sandgreen, Kangaatsiaq, Kalaallit Nunaat
Hans Karl Petersen, Upernavik, Kalaallit Nunaat
Franco Giardini, Leumann (Torino), Italien
Peter Ern Andersen, Ringkøbing, Danmark
Charlotte B. Jensen, Dianalund, Danmark
Sofie B. Jensen, Dianalund, Danmark
Peter Sargk, Singen, Tyskland
Lindis Jakobsen, Odense, Danmark
Carsten Simonsen, Holte, Danmark

Peqataasut pisumillu taamaalillutik nuannersunngortitsisut tamaasa POST Greenlandip qutsavigai.

Apeqqutissallit TELE-POST-imi Tusagassiinermut pisortamut Malînánguaq M. Mølgaard-imut, tlf. +299 341255-imut email mmm@tele.gl –imut saaffiginnissinnaapput, imaluunniit Frimærkinik Tuniniaanermut pisortamut Allan Pertti Frandsen-imut tlf. +299 341810-mut, email apf@tele.gl -imut.

Inussiarnersumik inuulluaqqusilluta
TELE-POST