Radioqarfiit sullissinerat Kalaallit Nunaanni stationeqarfimmi ataatsiminngaanniit ingerlanneqalerpoq

Tamanna Ammassallip Radioaniit sullissinerup uninneranik kinguneqassaaq.

Sinerissami radioqarfiit sullissinerannik ataasiinnanngortitsinermut pissutaavoq, piffissap ingerlanerani Ammassallip Radioanut attaviginnittartut ikiliartuinnavissimanerat. Tamatumunnga pissutaaqataavoq teknikkikkut ineriartornerup ataatsimuulersitsineq ajornarunnaarsissimammagu.

VHF-imut aamma MF-imut frekvensit manna tikillugu Ammassallip Radioaniit suliarineqartarsimasut nuunneqassapput Aasiaat Radioaniit suliarineqartalissallutik. Sumiiffiit sullissiffiusut allannguuteqassanngillat.
 
Atuisunut allannguutaasussaq tassatuaavoq, siunissami sinerissami radioqarfimmut attaviginnikkaangamik Aasiaat Radiomik oqartalernissaat. Sinerissami radioqarfiup tamanna ilutigalugu piumasarissavaa, VHF atorlugu attaveqarnerup sullissinermut kanalikkut ingerlanneqarnissaa.

Sinerissami radioqarfiup sullissinerata nuussineq sioqqulluguli sullissinerup pitsaassusaa allanguuteqartissanngilaa, imaanilu angalasut allanngortoqarneranik malugisaqassanngillat, taamaallaalli tunumi attaviginninneq siunissami Aasiaat Radioanut attaviginninnerusassalluni.

Sinerissami radioqarfiup sullissinera pillugu allanik atuarit uani www.kystradio.gl

Apeqqutissallit sinerissami radioqarfiup pisortaanut Carl Johan Colberg-imut saaffiginneqquneqarput, cc@tele.gl, tlf. +299 893120 imaluunniit Attaveqatigiinnermut pisortamut Sæunn L. Nolsøe-mut, sunn@tele.gl, tlf. +299 555245.

Inussiarnersumik inuulluaqqusilluta
Med venlig hilsen
TELE-POST